Руската комесарка за човекови права, Татјана Москалкова, потврди дека Украина и Русија вчера размениле заробеници.
Москалкова рече дека меѓу заробениците кои се вратиле во Русија имало четворица вработени во државната корпорација за атомска енергија „Росатом“, војници и цивили.
„Тие слетаа во Русија рано наутро“, напиша Москалкова во објава на интернет.
Вицепремиерката на Украина, Ирина Верешчук, вчера изјави дека 12 украински војници се вратиле при размената на заробеници, што е трета ваква размена од почетокот на конфликтот.
„Како дел од договорот, се враќаат и 14 цивили“, додаде Верешчук.
Во саботата се случила и размена на возачи на камиони меѓу Русија и Украина, изјави руската комесарка за човекови права.
Во размената биле вклучени 32 руски возачи на камиони, 20 украински и неколку белоруски возачи.
Москва ги отфрли обвинувањата дека цели на цивили во, како што ја нарекува, специјалната воена операција чија цел е демилитаризација и денацификација на Украина.
Украина и нејзините западни сојузници тоа го нарекуваат неосновано оправдување за војна.
