Гласачките места во Франција се затворени. Во вториот круг се очекува да одат актуелниот претседател, Емануел Макрон и неговата најголема опонентка, Марин Ле Пен.
Макрон се надева на втор мандат, но проблеми може да му направи кандидатката на крајната десница.
Левичарскиот популист Жан-Лук Меленшон, исто така, се надева дека ќе влезе во вториот круг од изборите на 24. април.
Според првичните излезни анкети, Макрон и Ле Пен освоиле по 24 отсто од гласовите.
Првиот круг од претседателските избори во Франција започна утрово, а можеа да гласаат околу 48,7 милиони регистрирани избирачи.
Во првиот круг учествуваа вкупно 12 кандидати.
Présidentielle française 2022 : Légère avance pour @EmmanuelMacron à 24,7% face à @MLP_officiel à 23,5%, selon un sondage à la sortie des urnes.#Presidentielle2022 #Presidencielles2022 #RadioLondres
— RTBF info (@RTBFinfo) April 10, 2022
Француската изборна кампања беше во сенка на војната во Украина. Речиси ниту една порака во кампањата не одекна меѓу гласачите, а многу кандидати беа сфатени како слаби и несоодветни, зголемувајќи ги стравувањата од мал одѕив на гласачите.
