Макрон влегува во претседателската трка со поголема неизвесност отколку во 2017 година во околностите на војната во Украина и последователната економска криза.
Во Франција се одржува првиот круг од претседателските избори в недела, на кои актуелниот шеф на државата, Емануел Макрон, очекува да освои уште еден петгодишен мандат.
Околу 48,7 милиони гласачи беа поканети да го искористат своето право на глас в недела и да изберат еден од 12-те претседателски кандидати – четири жени и осум мажи.
Главниот ривал на Макрон е десничарската лидерка Марин Ле Пен.
Бидејќи не се очекува апсолутно мнозинство гласови за ниту еден кандидат во првиот круг, двајцата кандидати со најголем број гласови ќе влезат во финалето на претседателската трка во вториот круг – на 24 април.
