Утрински Весник
Свет

Шефот на кинеската дипломатија: Веруваме дека Украина ќе донесе правилна одлука

Шефот на кинеската дипломатија: Веруваме дека Украина ќе донесе правилна одлука

Кина верува дека Украина има доволно мудрост да избере што ќе биде во интерес на нејзиниот народ и европската безбедност, рече кинескиот министер за надворешни работи, Ванг Ји.

„ Војната сигурно ќе заврши, а потоа најважното прашање ќе биде како да се помогне да се надмине болното искуство и да се обезбеди долгорочна безбедност во Европа“, соопшти кинеското Министерство за надворешни работи на својата веб-страница, цитирајќи го она што Ји го кажал во телефонскиот разговор со неговиот украински колега Дмитриј Кулеба, пренесува ТАС С.

Според кинескиот политичар, Пекинг е за мирен дијалог меѓу Русија и Украина. Кина го поддржува создавањето на еднаков, ефикасен и одржлив механизам за одржување на безбедноста во Европа, објасни Ји.

Според него, Пекинг не ги остварува своите геополитички интереси користејќи ја војната во Украина, туку има само една цел – мир и ќе продолжи да ги користи своите методи за да ја постигне таа цел, наведува руската агенција.

Можете да прочитате

Нојман: Употребата на дронови во војната во Украина „не е пример“ за воздушните способности на НАТО

Институт за проучување на војна: Русија, Кина и Северна Кореја не му помогнаа на Иран во војната со Израел

Фидан: Поддршката за „геноциден Израел“ не е во ничија корист