Хрватскиот претседател, Зоран Милановиќ рече дека Русија не е демократска држава, а не е ниту Украина.
Милановиќ порача: Во војна во која не учествувате, тргнете се настрана и почекајте.
„Ниту една од овие земји не е многу демократска. Ни Украина не е демократска. Да беше, ќе почнеше преговори со ЕУ или ќе имаше некаков статус. Што да кажеме, дека Украина е иста со Хрватска или Романија? Не е исто. Русија секако не е демократска држава. За жал, не е ниту Украина. За овој тип на конфликт, доволно е само една држава да е автократска. А друга земја како Украина немаше чадор, немаше заштита. Но, кога земјите се, да речеме, Хрватска и Унгарија, или Австрија или Словенија, нема можност за војна“, рече тој.
„Тангото секогаш бара двајца, војната бара еден“, заклучи Милановиќ.
