Рускиот министер за одбрана Сергеј Шојгу, кој не се појави во јавноста од 11 март, што ги поттикна шпекулациите за неговото здравје и каде се наоѓа, претседаваше со состанок на армијата и зборуваше за залихи на оружје, прикажано е на видео снимка објавена од руското Министерството за одбрана. објави Ројтерс.
Во видеото, Шојгу вели дека разговарал со Министерството за финансии за прашања од воениот буџет и наредбите за одбрана.
„Приоритети се оружје со голема прецизност со долг дострел, воздухопловна опрема, како и одржување на борбената готовност на стратешките нуклеарни сили“, рече министерот на работната средба со раководството на воениот оддел, каде што исто така нагласи дека одбранбената наредба се одвива според планот.
На состанокот присуствуваа највисоките руски воени претставници, меѓу кои и началникот на Генералштабот Валериј Герасимов, кој исто така не е виден во јавноста.
Русија својата инвазија на Украина ја нарекува „државна одбрана“ и „специјална воена операција“.
Претходно Украинците тврдеа дека Шојгу доживеал срцев удар, а пласирана беше и теорија за наводна расправија со рускиот претседател, Владимир Путин.
