Вооружените сили на Русија во ракетен напад го уништија главното складиште за гориво во близина на Киев, соопшти денеска руското Министерство за одбрана.
Портпаролот на Министерството, Игор Конашенков, на прес-конференција изјави дека нападот се случил синоќа, а во него биле користени крстосувачки ракети „Калибар“, кои биле истрелани од морето, пренесува „Ројтерс“.
Конашенков изјавил и дека складиштето се користело за снабдување на украинските вооружени сили во централниот дел на земјата, пренесе „Ројтерс“, истакнувајќи дека не е можно самостојно да се проверат овие информации на руското министерство.
