Украинскиот претседател Володимир Зеленски изјави дека разговарал со британскиот премиер Борис Џонсон, кој го уверил во неговата поддршка пред самитите на НАТО, Г7 и ЕУ.
„ Добив уверување за неговата (на Џонсон) поддршка пред утрешните важни состаноци. Разговаравме за текот на непријателствата и помошта во одбраната на Украина“, напиша Зеленски на Твитер.
Had a phone conversation with @BorisJohnson. Received assurances of his support on the eve of tomorrow’s important meetings. Discussed the course of hostilities and defense assistance to Ukraine. We will win together.
— Володимир Зеленський (@ZelenskyyUa) March 23, 2022
Во своето обраќање пред францускиот парламент претходно, тој ги повика француските компании да ја напуштат Русија.
„ Рено, Ошан, Лерој Мерлин и другите мора да престанат да ја спонзорираат руската воена машина. Мора да престанат да финансираат убиства на жени и деца“, им рече Зеленски на француските пратеници.
