Германскиот министер за економија изрази загриженост поради увозот на гас во Германија.
„Откажувањето на гасот од Русија може да доведе до прекин на греењето во Германија следната зима“, изјави германскиот министер за економија.
Според него, доколку се прекине снабдувањето од Русија и не се појават нови извори, тогаш Германија нема да може да ги загрее куќите и да ја обезбеди потребната енергија за индустријата.
Германскиот министер Роберт Хабек рече дека приоритет за Германија е да најде нови снабдувачи со гас и да ја направи Германија независна во таа смисла во однос на Русија. Повеќе од половина од вкупното количество увезен гас во Германија доаѓа од Русија, како што наведува германското министерство, така што ќе биде речиси невозможно да се покрие таков дефицит во блиска иднина.
„Ако не добиеме повеќе гас следната зима и ако испораките од Русија бидат прекинати, тогаш дефинитивно нема да имаме доволно гас за да ги загрееме сите наши куќи и да ја одржуваме целата наша индустрија“, вели Хабек.
