На Беласица пронајдени 45 мигранти од Пакистан, Индија и Сиера Леоне

Полициски службеници од полициската станица Стар Дојран, денеска нешто по 11 часот, на подрачјето на планината Беласица, пронашле 45 мигранти.

Како што информираат од МВР, мигрантите биле забележани во реонот на селото Дурутли.

Од нив, 28 лица биле од Пакистан, 11 лица од Индија и шест лица од Сиера Леоне.

Мигрантите ќе бидат пренесени во транзитниот центар Винојуг.

*Фотографијата е илустрација, а не од конкретниот настан