Русија ја обвини Канада за „дипломатија на ниво на градинка“ откако на Канадската мисија на Обединетите нации на „Твитер“ се појави верзија на писмо со додадени корекции.
Имено, дојде до дипломатски спор околу писмото во кое се бара поддршка за нацрт руската резолуција за помош на Украина. Канада го објави писмото на Твитер со „предложени промени“, кое потоа беше споделено на други профили на ОН, пренесува Би-Би-Си.
Во четвртокот беше објавена слика од писмото со црвени ознаки. Писмото, потпишано од рускиот дипломат Василиј Небензија, претходно беше испратено до сите членки на ОН.
Во него рускиот дипломат наведе дека пишува „во врска со итното прашање поврзано со ужасната хуманитарна ситуација во и околу Украина“. Канадската мисија додаде забелешка во тој дел: „која ја предизвикавме со нашата нелегална агресија“.
Thank you @RussiaUN for your letter dated March 16.
Please see our suggested edits below. #StandWithUkraine #RespectTheCharter pic.twitter.com/0M663R0tUW
— Canada Mission UN #StandWithUkraine ?? (@CanadaUN) March 17, 2022
Во делот во кој се вели дека „западните колеги го политизираат хуманитарното прашање“, додадена е забелешка: „Дали мислите дека членките на ОН всушност веруваат во тоа? Ве молам појаснете. ”
Рускиот дипломат тоа го нарече „русофобна клевета“.
