Шефот на руската агенција за надворешно разузнавање изјави дека одлуката за судбината на Русија ќе следи во наредните денови.
Сергеј Наришкин, кој ја предводи руската разузнавачка служба СВР, на собир во Москва рече дека Русија сега се наоѓа во вистински историски момент.
„Се решава судбината на Русија и нејзиното идно место во светот“, рече Наришкин.
Говорот на шефот на руската шпионажа бил фокусиран на важноста на суверенитетот, па Наришкин им порачал на делегатите дека суверенитетот е гаранција за благосостојбата и достоинството на граѓаните и иднината на децата.
„За такви работи Русија никогаш не се повлече и нема да се повлече бидејќи во спротивно ќе престане да биде Русија“, додал тој.
Инаку, Наришкин го привлече вниманието на јавноста кога рускиот претседател Владимир Путин му се потсмеваше на средба што се емитуваше во живо на руската телевизија, неколку дена пред да започне инвазијата на Украина.
Кога требаше да изрази поддршка за Путин да ги признае двата сепаратистички региона во источна Украина, Наришкин беше целосно изгубен, па Путин гo испресече со прашања и го исмеваше пред камерите.
