Руската амбасада во Хрватска, по повод изјавата на хрватскиот премиер Андреј Пленковиќ дека е рамнодушен кон одлуката на Русија да ја вклучи Хрватска на листата на непријателски земји, соопшти дека таквата одлука се заснова на принципот на реципроцитет кон Загреб и Западот.
Владата на Руската Федерација вчера го одобри списокот на странски земји и територии кои вршат непријателски дејствија против Русија, а во него се вклучени и некои земји од Западен Балкан, како Северна Македонија, Црна Гора и Албанија, како и две ЕУ. членки – Словенија и Хрватска.
Во врска со вклучувањето на Хрватска на списокот, Пленковиќ на Твитер напиша дека таквата одлука „всушност не е важна“ и додаде дека хрватските власти „воделе правилна политика, со која можеме да се гордееме“.
