Приближно 200.000 жители од регионот Донбас и други делови на Украина пристигнале во Русија до денес, изјави за ТАС С извор од руското Министерство за внатрешни работи.
„ Од денеска руската граница ја минале 197.900 луѓе, а повеќе од 173.000 пристигнале од Народната република Доњецк и Луганск, почнувајќи од 18 февруари, кога нивните власти најавија евакуација“, рече изворот.
Според изворот, околу 24.000 граѓани на Русија, Украина и други земји ја минале границата преку контролните пунктови на регионите Белгород, Брјанск, Курск, како и на Крим.
Агенциите за спроведување на законот прецизираа дека околу 50.000 деца се меѓу оние кои пристигнале во Русија, според ТАС С.
