Шефот на дипломатијата на ЕУ, Џосеф Борел, процени дека повеќе од 18 милиони луѓе ќе бидат погодени од војната во Украина, а 5 милиони од нив ќе побегнат во Европа.
Борел нагласува дека првенствено е неопходно да се издвојат средства за итна хуманитарна помош, а потоа да се работи на зајакнување на отпорноста и економската ликвидност на Украина, но и на соседна Молдавија.
„Бројот на бегалци може само да расте. Досега видовме 1,6 милиони бегалци кои бегаат во Европа и се плашиме дека може да има 5 милиони бегалци во Европа. Тоа е разумна проценка, а вакво нешто не е видено од Втората светска војна“, вели Борел.
