Францускиот претседател Емануел Макрон во телефонски разговор со српскиот претседател Александар Вучиќ ја поздравил јасната позиција на Белград во меѓународните инстанци за војната во Украина и потребата од почитување на суверенитетот на државите, соопшти денеска Елисејската палата.
Макрон ја истакна блиската соработка меѓу двете земји и потсети на пријателството на Франција и неговата лична поддршка за Србија.
Тој оцени дека војната во Украина бара ЕУ и сите земји блиски до неа, а особено оние кои, како Србија, имаат европска перспектива, заеднички да ги разгледаат начините и средствата за дополнително зајакнување на врските и изградба на заедничка иднина за сите Европејци, пренесе „Блиц“.
Тој посочи дека војната во Украина треба да биде можност за европско приближување.
Во соопштението се посочува дека Макрон и Вучиќ ќе останат во близок контакт.
