Германскиот експерт за миграција Џералд Кнаус процени дека Европа може да очекува прилив од 10 милиони украински бегалци.
„Војната на рускиот претседател Владимир Путин во Чеченија резултираше со протерување на четвртина Чеченци“, изјави Кнаус денеска за медиумската група РНД. Европа сега треба да очекува слични бројки.
„Една четвртина од Украинците е еквивалентно на десет милиони луѓе“, објасни Кнаус. Со оглед на моменталната динамика на војната, тоа е сосема можно, додаде тој.
Тој рече дека своите пресметки ги базирал на тоа како Русите ја воделе оваа војна.
„За една недела во ЕУ пристигнаа исто толку луѓе колку и во целата босанска војна. Оваа брзина покажува дека се соочуваме со најбрзата и најголема бегалска катастрофа во Европа од Втората светска војна“, предупреди Кнаус.
