Советот на ЕУ одлучи од денеска да ја прекине дистрибуцијата на руските државни медиуми „Русија денес“ и „Спутник“ на територијата на цела ЕУ.
Санкциите ги опфаќаат сите средства за пренос и дистрибуција, како што се кабелски, сателитски, IPTV, платформи, веб-страници и апликации, а суспендирани се сите релевантни лиценци, овластувања и договори за дистрибуција, соопшти Советот на ЕУ.
Брисел оценува дека „Русија денес“ и „Спутник“ се важни инструменти за „охрабрување и поддршка на руската агресија“ против Украина и дека тие претставуваат „значајна и директна закана за јавниот ред и безбедност во ЕУ“.
