Утрински Весник
Свет

Заменикот на Џонсон: Воените злосторници во Украина ќе одговараат

Заменикот на Џонсон: Воените злосторници во Украина ќе одговараат

Британскиот вицепремиер Доминик Раб денеска изјави дека секој што учествува во воените злосторства во Украина ќе одговара.

„Ова се претвора во многу поопасен проблем за Путин отколку што тој мисли“, изјави Раб за Скај њуз, според Ројтерс.

– Мислам дека бевме многу јасни кога кажавме дека за тоа ќе одговараат оние кои учествуваат во воени злосторства – рече тој.

Раб додаде дека Британија нема да бара зона за забранети летови над Украина и дека конфликтот нема да биде завршен дури и ако Русија успее да го окупира Киев.

Денеска е шестиот ден од руската инвазија на Украина. Двете земји го одржаа првиот круг од мировните преговори во понеделникот, а во меѓувреме продолжија жестоките борби во неколку украински градови.

Рускиот претседател Владимир Путин во четвртокот наутро најави „почеток на специјална воена акција“. Претседателот на Украина, Володимир Зеленски, побара од Европската унија итен прием и ги повика руските војници да дезертираат.

Преговорите меѓу двете конфликтни страни се водеа во Белорусија.

Можете да прочитате

САД подготвуваат предлог-закон за санкции од 500 отсто за земји што купуваат руска енергија

САД воведуваат 35 отсто царини за Канада, Трамп најавува тарифи за повеќето трговски партнери

Трамп: Во понеделник „голема изјава“ за Русија