Белорускиот министер за надворешни работи Владимир Макеи ги поздрави делегациите на Украина и Русија на разговорите , уверувајќи ги делегатите дека треба да се чувствуваат „целосно безбедно“, пишува Си-Ен-Ен.
– Драги пријатели, претседателот на Белорусија ме замоли да ви посакам добредојде и да обезбедам сè за вашата работа, како што е договорено со претседателот Зеленски и претседателот Путин. Овде можете да се чувствувате сосема безбедно. Тоа е наша света должност – рече Макеи и додаде:
– Претседателот Лукашенко искрено се надева дека во текот на денешните разговори ќе биде можно да се најдат решенија за сите прашања од оваа криза. Сите Белоруси се молат за ова. Сите предлози, во однос на организирање на денешната средба, ќе бидат разгледани и апсолутно исполнети. Со нетрпение ги очекуваме резултатите.
Точната локација на разговорите меѓу Русија и Украина во понеделникот беше чувана во тајност од безбедносни причини.
Преговорите се во тек во Белорусија, но единствената локација објавена е дека тие се наоѓаат на брегот на реката Припјат во регионот Гомел во Белорусија.
Российская и украинская делегации за столом переговоров pic.twitter.com/Uy5nNPSBJN
— РИА Новости (@rianru) February 28, 2022
