Претседателите на Украина и Турција, Володимир Зеленски и Реџеп Таип Ердоган денеска телефонски разговараа. Зеленски објави дека Турција им забранила на руски воени бродови да влегуваат во Црното Море. Но веднаш по неговата изјава стигна демант. Шефот на турската канцеларија за Блискиот Исток рече дека таква одлука се уште не е донесена.
„Им благодарам на мојот пријател турскиот претседател Ердоган и на народот на Турција за силната поддршка. Забраната за минување на руски воени бродови низ Црното Море и значителната воена и хуманитарна поддршка на Украина се исклучително важни денес. Народот на Украина никогаш нема да го заборави тоа“, изјави Зеленски.
I thank my friend Mr. President of ?? @RTErdogan and the people of ?? for their strong support. The ban on the passage of ?? warships to the Black Sea and significant military and humanitarian support for ?? are extremely important today. The people of ?? will never forget that!
— Володимир Зеленський (@ZelenskyyUa) February 26, 2022
Во соопштението од Канцеларијата за комуникации на турското претседателство се вели дека Ердоган и Зеленски разговарале за нападот на Русија врз Украина и за најновите случувања. Рагиб Сојлу рече дека претпоставува дека Зеленски твитнал Турција да го стори тоа, но рече дека таква одлука сè уште не е донесена.
“Turkey hasn’t made a decision to close the straits to Russian ships yet,” a senior Turkish official tells me
So guess Zelensky was making a request with that tweet
— Ragıp Soylu (@ragipsoylu) February 26, 2022
За време на разговорите, Ердоган изрази сочувство до граѓаните на Украина кои ги загубија животите во рускиот напад, а на ранетите им посака брзо закрепнување.
Ердоган рече дека се обидуваат да прогласат прекин на огнот што е можно поскоро за Украина да не претрпи дополнителни штети и да спречат дополнителни загуби на животи.
