Швајцарката Фани Смит сепак го освои бронзениот медал во слободно скијање, дисциплина ски крос на Зимските олимписки игри во Пекинг. Меѓународната скијачка федерација, една недела по завршувањето на Игрите и ја врати бронзата на Смит.
Фани Смит, во финалната трка го освои третото место, пред Германката Даниеле Мајер. Сепак по завршувањето на трката таа доби дисквалификација поради „попречување на противничката“.
Швајцарците и Смит се жалеа на оваа одлука.
„Комисијата за жалби при Меѓународната скијачка федерација се состана четири пати, неколку часа и ја гледаа снимката од финалната трка. Заклучивме дека контактите во трката беа ненамерни“.
Инаку и по трката Германката Мајер, признала дека Смит не заслужила да биде дисквалификувана.
Олимписка шампионка во ски крос стана Сандра Неслунд од Шведска, среброто и припадна на Мариеле Томпсон од Канада.
> Една недела по дисквалификацијата ѝ го вратија бронзениот медал <
