Министерот за внатрешни работи Оливер Спасовски се сретна со американската амбасадорка Кејт Мари Брнз, придружувана од Џоана Кецман, директор на ИНЛ при Амбасадата на САД.
На средбата беа потврдени партнерството и одличната соработка кои Македонија и САД ги негуваат со децении наназад.
Акцентот на средбата беше ставен на тековните проекти кои со поддршка на американската Амбасада се спроведуваат во Министерството за внатрешни работи на Република Северна Македонија, континуитетот во заедничката соработка во борбата против тероризмот, компјутерскиот криминал и други форми на организиран криминал, со цел зајакнување на безбедноста на државата.
