САД имаат разузнавачки информации дека руските војници добиле наредба да ја нападнат Украина, пишува CBS News, додавајќи дека командантите подготвуваат „планови“.
„Американското разузнавање вели дека руските војници сега всушност добиле наредба да започнат инвазија“, рече Дејвид Мартин, дописник за национална безбедност на CBS News.
NEWS: The U.S. has intelligence that Russian troops have received orders to proceed with an invasion of Ukraine. “The commanders on the ground are making specific plans for how they would maneuver in their sector of the battlefield,” CBS David Martin reports on @FacetheNation. pic.twitter.com/uKsfdWRQjV
— Face The Nation (@FaceTheNation) February 20, 2022
– Значи, не само што се доближуваат до границата и позициите за напад, туку командантите на терен прават и конкретни планови како да маневрираат во нивниот сектор на бојното поле. Прават се што би направиле американските команданти за да добијат наредба за напад – додаде тој.
Меѓутоа, амбасадорот на Руската Федерација во САД, Анатолиј Антонов уште еднаш ги демантираше информациите дека Москва планира да окупира делови од Украина.
Антонов рече дека руски војници се распоредени на руска територија и дека Русија никому не се заканува.
– Не се обидуваме да окупираме територија на друга држава.
За нас Доњецк и Луганск се дел од Украина – изјави Антонов.
