Хрватската телевизија РТЛ е продадена на Central European Media Enterprises (ЦME) за 50 милиони евра, јави хрватскиот портал „Индекс“.
Трансакцијата се очекува да биде завршена во вториот квартал од оваа година.
„ЦME, поранешниот сопственик на Нова ТВ, обезбеди долгорочни права за задржување и користење на брендот РТЛ во Хрватска“, се вели во соопштението на чешкиот инвестициски фонд ППФ во чија сопственост е ЦME, но e сопственик и на поранешниот „Теленор“, сегашен „Јетел“.
Трансакцијата е предмет на вообичаените услови за склучување, вклучително и добивање одобрение од Агенцијата за заштита на пазарната конкуренција и Агенцијата за електронски медиуми во Хрватска.
РТЛ Груп имаше мнозинска сопственост на РТЛ Хрватска, кој го основа во 2004 година, а од средината на 2015 година беше 100% сопственик.
