ВМРО-ДПМНЕ со амандманот на Законот за минимална плата бара усогласување на платите во јавниот сектор согласно Колективниот договор кој го имаат потпишано синдикатите со министерството, со што платите на наставниците во основните и средните училишта би се зголемиле и до 70 отсто. Од партијата преку соопштение додаваат дека покачување ќе има и за административно техничкиот персонал.
ВМРО-ДПМНЕ дополнително преку Собранието бара зголемување на пензиите за 20 проценти, со што, како што наведуваат од партијата, пензиите ќе се усогласат со покачените цени, и нема да дозволат пензионерите да влезат во оскудност.
Опозицијата апелира до власта да покаже слух и да ги поддржи законските решенија.
