Џенифер Кулиџ откри дека ја одбила понудата на компанија за хот-дог да сними реклама и покрај нејзината позната реплика од Legally Blonde 2 („Русокоса од Харвард“).
Актерката, која ја глумеше козметичарката Полет Бонафонте во филмот, сега е веганка и не можела да ја промовира компанијата за хот-дог затоа што не понудиле алтернатива од растително потекло.
„Ми беше понудено и јас ги одбив. Тоа беше компанија за хот-дог која прави хот-догот со месо, а јас ги јадам овие неверојатни хот-догови од растително потекло. Затоа им реков: „Ако нудите виршли од растително потекло, дефинитивно ќе ви направам реклама,“ изјави Џенифер во интервју за „Пипл“.
