Вардар немаше проблем да ја совлада Војводина на гости со убедливи 26:16 (11:9) во второто коло од СЕХА лигата, за да се вратат по изненадувачкиот пораз од Нексе во првото коло од регионалната лига. Ова претставува и слатка одмазда за „црвено-црните“, кои на минатогодишното гостување во Нови Сад доживеаја тежок пораз (33:24).
Вардарци почна со 2:0 водство и не го загубија до крајот на првото полувреме, кога беше +3 за гостите (11:9), пред во второто полувреме целосно да ја преземат контролата стигнувајќи до двоцифрена предност на 12 минути пред крајот на мечот.
Тимур Дибиров со седум гола беше најефикасен за тимот на Дејвид Дејвис, додека по четири гола постигнаа браќата Њокас, додека кај домаќините Јовица Николиќ имаше пет гола.
Фото: СЕХА лига
> Вардар ја декласираше Војводина во СЕХА лигата <
