Рафаел Надал вели дека не е задоволен со својата 21. гренд слем титула по историскиот триумф на Австралија опен во неделата, кога го совлада Русинот Данил Медеведев враќајќи се од два сета негатива за да ги помине Роџер Федерер и Новак Ѓоковиќ на вечната листа на тенисери со најмногу големи трофеи.
35-годишниот Шпанец сега може да стигне и до бројот 22 на неговиот омилен Ролан Гарос во јуни, каде што веќе има 13 титули и вели дека никогаш не е доволно.
„Не знам колку гренд слема ќе имам. Ако ме прашавте неодамна, тогаш ќе потпишев само да можам да играм тенис повторно. Би сакал да бидам тенисерот со најмногу гренд слема од нас тројца, но не сум опседнат со тоа. Што и да дојде следно, јас сум подготвен, но искрено не мислам дека 21 се доволно. Никогаш не знаеш што ќе се случи во иднина“, вели Надал на прес-конференција во неговата родна Мајорка.
> Надал: 21 гренд слем титула не се доволни да си најдобриот <
