Администрацијата на американскиот претседател Џо Бајден планира да ги поштеди обичните руски граѓани од американските извозни контроли доколку Русија ја нападне Украина и да се фокусира на одредени руски индустриски и технолошки сектори, изјави претставникот на Белата куќа Питер Херел.
„Клучните луѓе“ ќе се соочат и со „значителни санкции“, додаде високиот економски функционер Теа Кендлер, објави Ројтерс.
Санкциите би можеле да ја таргетираат руската економија, па би биле погодени индустрискиот и технолошкиот сектор, поточно се споменува производството на паметни телефони.
– Не можеме да ја предвидиме секоја акција, но намерата е да се деградираат руските индустриски капацитети и производство, а не да се таргетираат поединци, односно секојдневни руски потрошувачи – изјави националниот советник во Белата куќа Херел.
