Македонскиот олимписки комитет, на прес конференција, ги претстави македонските репрезентативци кои ќе учествуваат на Зимските олимписки игри во Пекинг.
Македонија во Ана Цветановска, Дардан Дехари и Ставре Јада има натпреварувачи во нордиско и алпско скијање.
Ана Цветановска ќе се натпреварува во крос кантри, во дисциплините 7,5 км слободно плус 7,5 км скијатлон и 10 км класично. Натпреварите во овие дисциплини ќе се одржат на 5. и 10.февруари.
Дардан Дехари во слалом и велеслалом на патеките ќе излезе на 13. и 16.февруари.
Ставре Јада, во крос кантри ќе се натпреварува во дисциплините, спринт слободно 1,5 км и 50 км слободно, на 8. и 19.февруари.
Македонското знаме на церемонијата на отварање на зимските Олимписки игри ќе го носат Ана Цветановска и Дардан Дехари.
Зимските олимписки игри во Пекинг ќе се одржат од 4. део 20.февруари.
> Македонските олимпијци утре заминуваат за Пекинг <
