Со цел подобра комуникација со централното градско подрачје, по барање на жителите на општина Илинден, од ноќеска почнува да функционира пробна ноќна линија со број 63б, која ќе сообраќа од Транспортен центар до Мралино во сабота и недела во терминот 00.15 часот, информираат локалните власти.
Ова било договорено на работната средба помеѓу градоначалникот на општина Илинден Александар Георгиевски и новиот директор на ЈСП, Иван Илиевски.
Како што информираат од општината, на средбата се разговарало и за подобрување на јавниот автобуски превоз со зголемување на бројот на линии и автобуски постојки на цела територија на Илинден.
