Две групи американски носачи на авиони впловија на обука во Јужното Кинеско Море, соопшти денеска американското Министерство за одбрана
Во соопштението на Министерството се наведува дека две ударни групи на американски поморски носачи, предводени од нивните водечки бродови US Carl Vinson и US Abraham Lincoln, започнале со операции во Јужното Кинеско Море во неделата, пренесува Reuters.
Во соопштението се додава дека ќе спроведат вежби кои вклучуваат операции против подморници, операции за воздушно војување и операции за поморска забрана со цел да се зголеми борбената готовност.
Обуката ќе се одвива во согласност со меѓународното право во меѓународни води, додаваат од Министерството за одбрана, не наведувајќи детали.
„ Операциите како овие ни овозможуваат да ја подобриме нашата способност за борба, да ги убедиме нашите сојузници и партнери во решеноста на морнарицата да обезбеди регионална стабилност и да се бори против злонамерното влијание“ – рече командантот Ј.Т. Андерсон, кој ја предводи групата Абрахам Линколн
