Синоќа на подрачјето на Карпош настанал пожар на патничко возило „фиат пунто“, со скопски регистарски ознаки, сопственост на З.Ј.(61) од Скопје.
Од МВР соопштија дека нема повредени лица, а од пожарот биле зафатени уште две патнички возила, „цитроен ц4“, сопственост на В.А.(70) од Скопје и „југо корал“ сопственост на Н.С.(70) од Скопје, двете со скопски регистарски ознаки.
Од страна на Бригадата за противпожарна заштита пожарот бил изгаснат.
Извршен бил увид од полициска екипа.
