Од 10 јануари невакцинираните граѓани на Обединетите Арапски Емирати повеќе нема да можат да ја напуштаат земјата, јавуваат локалните медиуми.
Ќе им биде дозволено да патуваат само внатре во државата.
Одлуката ја донесе Министерството за надворешни работи, по средбата со членовите на кризниот штаб.
Оваа одлука е донесена поради ненадејниот скок на бројот на заболени од Ковид-19 во светот, со цел да се заштити здравствениот систем, како и здравјето на луѓето кои живеат во Емиратите.
Како што беше соопштено, од мерката се изземени граѓаните кои поради здравствени причини не можеле да ја примат вакцината, како и во случаите кога ја напуштаат државата поради одење на лекување.
Министерството соопшти дека вакцинираните граѓани ќе мора да добијат бустер доза за да патуваат.
