На улицата „Московска“ во Скопје синоќа припаднци на единицата за интервентна полиција го лишиле од слобода С.И. (31) од Битола.
Како што информраат од МВР, тој бил баран по централна потерница од битолското јавно обвинителство за издржување притвор за сторено кривично дело неовластено производство и пуштање во промет на наркотични дроги.
При претрес на домот во Скопје во кој живее, извршен со судска наредба, биле пронајдени и одземени марихуана, бела прашеста материја и поголем износ на пари во различни валути и апоени.
Тој бил предаден во полициската станица Карпош за понатамошна постапка, а по целосно документирање на случајот против него ќе биде поднесена соодветна пријава.
