Рускиот министер за надворешни работи Сергеј Лавров оцени дека НАТО е геополитички проект на колонизација на територии по распадот на СССР и Варшавскиот пакт.
„ НАТО е чист геополитички проект на колонизација на територии без господар по исчезнувањето на Варшавскиот пакт и распадот на Советскиот Сојуз. Затоа и го прават тоа“, рече Лавров во интервју за каналот на Соловиев на Јутјуб.
Русија неодамна му понуди на Западот свој предлог за договор за безбедносните гаранции, за кој Лавров вели дека не е ултиматум, но дека разговорите за тоа не можат да траат бесконечно, пренесува ТАС С.
Тој додаде дека резултатот од разговорите треба да биде опиплив во одреден временски интервал.
