Од 1 јануари трансродовите лица во Швајцарија ќе можат легално да го менуваат полот само со посета на матичната служба, што ќе ја доведе земјата во првите редови на европското движење за родова самоидентификација.
Со воведувањето на новите регулативи, Швајцарија им се придружи на Ирска, Белгија, Португалија и Норвешка, мала група европски земји кои дозволуваат законско менување на полот без хормонска терапија, медицинска дијагноза или дополнителни проценки или бирократски пречки.
Според новите швајцарски прописи, сите граѓани на возраст над 16 години кои не се под законско старателство ќе можат да го променат полот и името со пријавување во матичната служба.Помладите и оние кои се под заштита на возрасни ќе треба да имаат согласност од старателот.
Меѓу другото, новиот закон е промена на досегашната практика која бараше доставување уверение од медицински експерт со кое се потврдува трансродовиот идентитет на поединец.
