Владата ја усвои информацијата за набавка на вакцини против Ковид–19 за 2022 година, според која е утврдена потребата од набавка на 500.000 дози вакцини од производителот „Фајзер“.
Во набавката треба да бидат вклучени и педијатриските дози во количина од 1 отсто од вкупниот број деца во земјата на возраст од 5 до 12 години, односно околу 10.000 дози, соопшти Владата.
Согласно информацијата, дозите за возрасните треба да почнат да се испорачуваат од месец мај, а педијатриските дози во првото тромесечје на 2022 година. Вкупната количина треба да се испорача до декември следната година.
Од Владата нагласија дека набавката на оваа количина вакцини против Ковид-19 за 2022 година е заради заштита на јавното здравје и за рестартирање на економијата како јавен интерес.
