Актуелниот претседател на Бугарија Румен Радев и Анастас Герџиков ќе се натпреваруваат во вториот круг.
Ниту еден од кандидатите за претседател не успеа да ги добие потребните гласови. Во моментов разликата меѓу нив е 24,3 проценти во корист на Радев, кој освои 49,3 отсто од гласовите, а неговиот противкандидат – 25 проценти.
„Промената продолжува“ на Кирил Петков и Асен Василев, кои беа министри во преодната Влада на Бугарија, освои најмногу гласови на денеска одржаните парламентарни избори со 25,7 отсто од гласови, покажуваат податоците од излезната анкета на Галуп интернешнл Балкан во 19 часот.
