Новак Ѓоковиќ продолжи да го подобрува својот рекорд. Тој ја започна 346.недела на првото место, на АТП листата.
Ѓоковиќ, вечера ја освои 37.мастерс титула во кариерата, а ден претходно, седми пат во кариерата, го обезбеди првото место на крајот од годината.
Ѓоковиќ, во полу-финалето го победи Хуберт Хуркач, а во финалето Данил Медведев.
На првото место Ѓоковиќ има 10.940 поени, втор со 3.300 поени помалку од него е Данил Медведев. Оваа разлика му го гарантира првото место на Ѓоковиќ и завршувањето на Австралија опен, што значи дека во наредниот период само ќе го подобрува рекордот.
Трет на листата е Александар Зверев кој ја презеде позицијата од Стефанос Циципас. Следуваат Андреј Рубљов, Рафаел Надал, Матео Беретини, Каспер Руд, Хуберт Хуркач и Јаник Синер.
> Ѓоковиќ долго ќе биде прв на АТП листата <
