Владата на Заев го губи политичкиот легитимитет и кредибилитет затоа што не ги оправда очекувањата за кои доби доверба од народот, нагласи претседателот на ВМРО-ДПМНЕ, Христијан Мицкоски, во интервју за српскиот дневен весник „Политика“.
Мицкоски додава дека власта е изборно декласирана во градот Скопје, но и други големи градови во државата, а како што вели, онаму каде што сега има втор круг, ВМРО-ДПМНЕ влегува како апсолутен фаворит.
„Овие локални избори потврдија дека народот им се спротивставува на политичарите што немаат слух за неговите барања, но и фактот дека завршува времето на лагите и непринципиелноста во политиката. Загубениот кредибилитет преку локалните избори очекувам да се преслика и на парламентарната власт, односно многу бргу тие промени ќе продолжат и на централно ниво“, појасни Мицкоски.
