Клубовите од англиската Премиер лига, на итен состанок донеле привремено ја спуштиле рампата на спонзорските договори со компании кои можат да се поврзат со газдите на клубовите. Одлуката ја поддржале 18 клубови, еден бил воздржан (Манчестер сити) и еден бил против (Њукасл).
Оваа одлука е голем удар за Њукасл јунајтед, клуб кој пред две недели доби нови газди. Клубовите сметаат дека планот на газдите на Њукасл бил да венесат пари во клубот, преку нафтените компании од Саудиска Арабија.
Според овие 18 клубови, Њукалс во тој случај би стекнал предност на трансфер пазарот. Манчестер сити се воздржани бидејќи спонзор им е „Етихад“, компанија која е во сопственост на владата во Абу Даби.
Новото правило ќе важи во наредните 30 дена и ќе биде задолжително за сите 20 клубови во Премиер лигата. Според англиските медиуми, многу од 18 клубови, кои ја поддржаа одлуката, сакаат ова донесено правило да стане трајно.
Според правилникот на Премиер лигата, максималниот минус на еден клуб, во период од три години, може да изнесува 105.000.000 фунти.
„Доколку ен го спречевме ова, никој не би можел да го спречи Њукасл да го продаде името на стадионот на компанија од Саудуска Арабија за 100 милиони фунти, а потоа тие пари, во јануари, да ги вложи во трансфери. На тој начин би го заобиколиле финансискиот ферплеј“, изјавил неименуван извор од Премиер лигата за „Скај спорт“.
Њукасл во јануарскиот преоден рок ќе може да потроши на трансфери околу 200.000.000 фунти. Според медиумите, во јануарскиот преоден рок клубот ќе вложи во трансфери околу 60.000.000 фунти.
> Манчестер сити воздржани, останатите 18 клубови се обединија против Њукасл <
