Маж од Австралија е обвинет за напад на полиција во западен Сиднеј.
Напаѓачот прво нападнал полицајка а потоа избегал од местото на настанот и следел случаен минувач, пренесуваат медиумите во таа земја.
#BREAKING: Police officers have been attacked outside a cinema in #Bankstown.#9News pic.twitter.com/iAP4K5iFsT
— 9News Sydney (@9NewsSyd) September 13, 2021
49-годишниот маж беше уапсен и обвинет за неколку прекршоци, вклучувајќи и кршење на антиковид мерки и напад на полицијата, соопштија службите.
Полицијата соопшти дека две полицајки кои патролирале на улица му рекле да се тргне од улицата бидејќи во сила е забраната за движење поради коронавирусот.
Тогаш човекот станал агресивен и ги нападнал. Двете полицајки морале да одат во болница на лекување.
Мажот потоа го нападнал и нивниот колега кој исто како и неговите колешки подоцна завршил во болница.
Во Сиднеј, во сила се засилени мерки против коронавирусот, кои не дозволуваат излегување од дома, освен од оправдани причини – како одење на работа, училиште, лекар или продавница.
Градот е во строг карантин веќе 12 недели додека трпението на граѓаните опасно ослабе, анализираат медиумите.
