Наместо да продава евтин популизам, Мицкоски да излезе пред граѓаните и јасно да ги повика на вакцинација и почитување на мерките, во интерес на нивното сопствено и колективно здравје, порачуваат од СДСМ.
„На почетокот на август на својата фејсбук-страница Мицкоски објави дека веќе бил вакциниран. Но, пред неколку дена, јавно на телевизија кажа дека се вакцинирал еден ден претходно. Затоа што бил ‘лимитиран’ и не можел да оди по кафеани“, се наведува во партиското соопштение.
Според СДСМ, прашањето е кога Мицкоски навистина се вакцинирал, на почетокот на август или во вторникот, на 31 август?
„Очигледно државата со мерките го убеди антиваксерот Мицкоски да се вакцинира. Ова крунско признание од лидерот на најголемата опозициска партија е доказ дека мерките на државата функционираат“, нагласуваат од валдејачката партија.
