Двократната гренд слем шампионка, Романката Симона Халеп покажа дека е подготвена за борба по камбекот на тениските терени, победувајќи ја Казахстанката Елена Рибакина со 7:6(11)/4:6/6:3 во драматичното трето коло на САД опен.
Халеп, која е 12. носителка, спаси четири сет-топки пред да ја искористи својата седма сет-топка поради двојна сервис грешка на Рибакина во епскиот тај-брејк од 18 минути на стадионот „Луј Армстронг“. Рибакина се врати за да го освои вториот сет со два брејка. Халеп се врати освежена во третиот сет и освои 85 отсто од поените на прв сервис за победа и прв пласман во втората недела на Флешинг Медоуз од 2016 година.
„Воопшто не беше лесно. Знаев дека морам да бидам силна цел меч и да ја чекам смирено мојата шанса“, вели Халеп.
Шпанката Гарбиње Мугуруза со 6:4/3:6/6:2 ја победи Викторија Азаренка во дуел на две поранешни гренд слем шампионки. Следна за Мугуруза е Барбора Крејчикова, која со 6:4/6:2 ја победи Камила Рахимова.
> Халеп го доби маратонот со Рибакина, Мугуруза ја елиминираше Азаренка <
