Европската Унија ја тргна Македонија од листата на безбедни земји, што значи дека патниците од нашата и од пет други држави ќе подлежат на построги гранични контроли, како што се тестови и карантин.
Освен Македонија, од листата се отстранети и САД, Израел, Косово, Либан и Црна Гора.
Листата се базира на епидемиолошката состојба во секоја земја.
Сега има 17 земји на европската зелена листа, вклучувајќи ги Канада, Јапонија и Нов Зеланд.
