Шок за Јувентус, нов по оној дека Кристијано Роналдо го напушти клубот на почеток на новата сезона.
„Старата дама“ непријатно е изненадена на свој терен, пораз од Емполи со 1-0.
Леонардо Манкусо беше на вистинското место во 21 минута, налета на одбиената топка и за смести зад грбот на Шчесни за водство на гостите.
Во продолжение на мечот избраниците на Масимилијано Алегри тргнаа со сите расположливи сили да го свртат резултатот, упатија двојно повеќе удари кон голот на Викарио, но тој со 6 интервенции беше на висината на задачата.
Алегри ги направи сите 5 замени за да ја раздвижи својата екипа, но залудно.
По нерешените 2-2 кај Удинезе во воведното коло, Јуве останува само со 1 бод доволен во моментов за 13-та позиција.
Емполи, пак, е две места над нив.
Во истиот термин Фиорентина со 2-1 на својот „Артемио Франки“ го совлада тимот на Торино.
Стрелци на головите Гонзалес во 41. и Влаховиќ во 70 минута.
Во самиот финиш, во 89 минута Торино постигна почесен погодок. Стрелец Верди.
> Јувентус без Роналдо не може до победа ниту со Емполи <
