Шпанскиот тенисер Рафаел Надал е пред голем предизвик во кариерата затоа што повторно ескалираше проблемот со „Милер-Вајсов“ синдром кој го мачи веќе 16 години.
Шпанецот поради тоа предвреме ја завршува оваа сезона и нема да го видиме на терените до крајот на 2021-ва.
Францускиот ортопед Жилбер Верси објаснува со што се соочува Надал во овие моменти.
„Оваа болест е вродена, ги погодува луѓето кои имаат проблеми со стапалата. Коската умира затоа што крвта не цирккулира низ неа. Ова е проблем кој најчесто се сретнува кај жени во педесетите години, но се појавува и кај младите“ вели доктор Верси.
Французинот смета дека операција не е решение за проблемот на Надал.
„Можно е да се оперира, но тоа е опција само за потешките случаи, кога не може да се оди и кога болките се ектремни. За среќа, Надал до тоа се уште не е дојден. Ако се одлучи на операција, по тоа не би можел да трча, туку само да оди. Другите хируршки опции исто така не се компатибилни со занимавањето со спорт“ вели докторот.
> „Ако отиде на операција, Надал веќе нема да може да трча“ <
