Полицијата идентификуваше и опколи маж за кој се верува дека поседува експлозив, кој седи во возило во близина на зградата на американскиот Конгрес.
Околните згради се евакуирани, а брзата помош е на терен.
Вработените во американскиот Конгрес добија наредба да се евакуираат денеска, откако полицијата која го обезбедуваше Капитол соопшти дека испитува „закана за активна бомба“.
NOW: The USCP is responding to a suspicious vehicle near the Library of Congress.
Please stay away from this area and follow this account for the latest information. pic.twitter.com/LMBYBTJn4t
— U.S. Capitol Police (@CapitolPolice) August 19, 2021
Полицијата испрати специјален тим да преговара со заканувачот, кој се наоѓа во камионот, вели еден од изворите кој не може да потврди присуство на експлозив, но на луѓето во Конгресот им било кажано дека лицето во возилото и кажало на полицијата дека има бомба, пренесе „Ројтерс“.
Врховниот суд беше евакуиран, како и неколку други згради, а блиската метро станица беше затворена. Вработените беа префрлени на побезбедни локации преку мрежа од подземни коридори.
Полицијата ги блокираше улиците околу Капитол со противпожарни и спасувачки возила, а на локацијата се присутни специјални полициски единици, како и членови на Федералното истражно биро (ФБИ).
Оваа недела нема седници на Конгресот, но вработените доаѓаат во Капитол Хил.
